Wat öber mi
Ik bün Johrgang 1940 un op de Veddel opwussen.
1956 fung ik as Lehrjung in'n Hoben an. De Entwicklung vun de Containers
in de Sosstiger Johrn hebbt dorför sorgt, dat hüüt keen
Tallylüüd mehr bruukt ward. So müss ik an Land gohn un
miene Familje as Vertreder öber de Runnen bringen. 1976 heff ik mi
as Huusmokler op mien eegen Feut stellt. Siet 2012 bün ik in Unruhestand
un vertell nu öberall op Platt, wat ik in Hoben un an Land beleevt
heff. Un dat is jo nich wenig west.
So sünd mit de Tiet an de 200 Vertellen un Riemels entstohn. Un dor kümmt jümmers welk hento. Geschichen fallt uns jo enerwegens vör de Feut. Wi mööt se blots opheben. Man richtig Spooß mookt mi dat, wenn ik de ok vertellen kann. In Ollersheime, Karken un bi Heimot- un Kultur-Vereene kriggst mi to heurn. Wüllt Se mi mal inloden? Kuntakt hier: Heinz Tiekötter Bökers gifft dat nich vun mi; ik loot mi doch nich den Spooß an miene Sabbelee nehmen! |